- Курилди: 1128
ёхуд 30 йиллик назмий жавоҳир
Туркий назм ва ўзбек мумтоз сўз санъатининг нодир намуналари мутолаасига болаликдан ошноланган Исоқхон тўра умр бўйи адабиётнинг туйғуларга йўғрилган кичик жанрида қалам тебратиб, ўзига хос бадиий мерос қолдиришга интилди. Гарчи, мукаммал девон тартиблашга муваффақ бўлмаган бўлса-да, унинг назмий жавоҳирлари жамланмасини шартли равишда девон деб аташга арзийди. Шу боис, Ибратнинг меросини теран тадқиқ этган Улуғбек Долимов "30 йиллик назмий ижодининг мажмуи бўлмиш "Девони Ибрат"ни яратди" деганида нақадар ҳақ эди.
- Курилди: 1022
Конституциямиз Қабул Қилинганлигининг 25 йиллиги олдидан
Давлат, жамият ва инсон муносабатлари ҳаётимиз барқарорлигини, бугунимиз ва эртамизнинг нурафшонлигини кафолатловчи энг муҳим омил ҳисобланади. Шунинг учун ҳар бир давлат ўзининг ҳуқуқий-сиёсий ҳужжати - ўз Конституциясига эга бўлиши шарт. Бу ҳаётий ҳақиқатни инкор этиш таназзулга олиб боради. Аксинча, ўз вақтида қабул қилинган тўкис бош қонун тараққиётга тўла йўл очади. Биз ҳур Ўзбекистонимизда чорак асрдан буён шуни чуқур ҳис этиб, яққол кўриб яшаяпмиз. Шоир Зиёвиддин Мансур:
Асосий қонуним!
Эй, пурмазмуним!
Эй, эл-юрт шаъни нақш этилган китоб!
Сен - менинг ҳуқуқий дорилфунуним,
Сен - бахтим уфқида балққан офтоб!
- Курилди: 1102
Вақтнинг бетин олға югуриши бугунни кечага айлантиради, кечани биздан тобора узоқлаштиради, бора-бора ўтмишни қадимлайверади. Шунга қарамай, кўҳна мозий биздан қанча йироқламасин, унинг макон манзарасию, халқининг ҳаёт тасвирини китобий битиклар ўз бағрида асрлардан асрларга қайтараверади. Вақт уни ўчиришга, унуттиришга асло қодир эмас. Боиси, серсалоҳият инсонлар бунга асло-асло йўл бермайдилар. Худди Исҳоқхон тўра Ибратдек.
- Курилди: 523
Биринчи Президентимиз портрети олдидаги ўйлар
Ассалом, бобожон! Гап кўп кўнглимда. Ҳамон ёдимдасиз юрган йўлимда. Қилган ишларингиз ўнгу сўлимда. Эъзозу эҳтиром эркин элимда. Фахр уйғотади ҳар вақт дилимда.
- Курилди: 626
Вилоят кўп тармоқли тиббиёт марказида Ўзбекистон Республикаси давлат мустақиллигининг йигирма олти йиллиги муносабати билан ўрта тиббиёт ходимлари ўртасида ўтказилган кўрик-танловнинг амалиёт синовида энг юқори балл тўплашга эришган тиббиёт ҳамширалари ва фельдшерларини тақдирлаш маросими ўтказилди.
